Azərbaycan, Bakı, 9 mart /Trend, müxbir N.İsmayılova/
Azərbaycan Qiymətli Kağızlar üzrə Dövlət Komitəsi (QKDK) "ASB Bank"ın ümumi məbləği 1,886 milyon manat olan sadə adlı sənədsiz səhmlərinin emissiya prospektini qeydə alıb. Trend-in məlumatına görə, bu barədə QKDK-nın çərşənbə günü yaydığı məlumatda bildirilir.
Emissiyaya hər birinin nominal dəyəri 0,2 manat olan 9,43 milyon səhm daxildir.
2010-cu ildə "ASB Bank"ın məcmu kapitalı 4,8 faiz artaraq 25,908 milyon manat, eləcə də nizamnamə kapitalı 11 faiz artaraq 22,114 milyon manat təşkil edib.
"ASB Bank" 1996-cı ildə "CI Bank" kimi fəaliyyətə başlayıb, 2006-cı ilin sonlarında brendini dəyişib.
Martın 9-da rəsmi məzənnə 0,7936 AZN/USD təşkil edir.