Azərbaycan, Bakı, 4 aprel /Trend, müxbir N.İsmayılova/
Azərbaycan Mərkəzi Bankının məlumatına əsasən, 2011-ci ilin sonuna olan vəziyyətə görə, ölkədə 4284 min ədəd ödəniş kartı olub ki, bu da ilin əvvəli ilə müqayisədə 1,3 faiz artım deməkdir.
Hesabat dövründə debet kartlar üzrə əməliyyatların ümumi sayı 3857 ədəd, həcmi isə 489 milyon manat təşkil edib.
Debet kartlar üzrə əməliyyatların ümumi sayından bankomatlar vasitəsilə 466 milyon manat məbləğində 3723 min, POS-terminallar vasitəsilə 16 milyon manat məbləğində 75 min əməliyyat yerinə yetirilib.
Fevralda kredit kartları üzrə ümumi məbləği 54 milyon manat olan 200 min əməliyyat həyata keçirilib. Kredit kartları üzrə əməliyyatların ümumi sayından bankomatlar vasitəsilə 21 milyon manat məbləğində 81 min, POS-terminallar vasitəsilə 12 milyon manat məbləğində 21 min əməliyyat yerinə yetirilib.
Aprelin 4-nə olan rəsmi məzənnə 0,7926 AZN/USD təşkil edir.
