...

İran və Çin arasında əmtəə dövriyyəsi 50 milyard dollara çatdırılacaq

Biznes və iqtisadiyyat xəbərləri Materials 22 Aprel 2011 16:57 (UTC +04:00)

Azərbaycan, Bakı, 22 aprel /Trend/

İran və Çin arasında əmtəə dövriyyəsinin həcmi 2015-ci ilin sonunadək (beşinci inkişaf proqramının sonunadək) 50 milyard dollara çatdırılacaq. Bunu İran-Çin müstərək ticarət palatasının həmsədri Əsədullah Əsgərövladi deyib. Bu barədə Trend İranın IRNA dövlət xəbər agentliyinə istinadən məlumat verir.

İran və Çin müştərək iqtisadi komissiyasının iclasında iştirak etmək üçün Pekində səfərdə olan Əsgərövladi deyib ki, hazırda İran və Çin arasında əmtəə dövriyyəsi 30 milyard dollar həcmindədir və hazırlanmış 5 illik proqrama görə bu rəqəmin 50 milyard dollara çatdırılması nəzərdə tutulur.

"Biz çalışırıq ki, məhsulların alqı-satqısını həyata keçirmək əvəzinə, müştərək investisiyalar yatıraq. Müştərək investisiyalar yatırmaq üçün bizim Çinin puluna deyil, texnologiyasına ehtiyacımız var. İranda lazımi qədər pul var", - Əsgərövladi deyib.

İran Gömrük Komitəsinin rəsmi statistikasına əsasən, ötən il İranın qeyri-neft sektorunda (qaz-kondensat hesablanmadan) ixracat həcmi 59,868 milyon ton (26,327 milyard dollar) təşkil edib ki, bu da ötən illə müqayisədə çəki baxımından 26 faiz, dəyər baxımından 20 faiz artıb.

Həmçinin, İran ötən il ərzində 45,287 milyon ton (64,364 milyard dollar) həcmində məhsul ölkəyə idxal edib ki, bu da ötən illə müqayisədə çəki baxımından 13 faiz azalıb, dəyər baxımından isə 4,16 faiz çoxalıb.

Xəbər lenti

Xəbər lenti