Azərbaycan, Bakı, 18 may /Trend, müxbir İ.Xəlilova/
Asiya İnkişaf Bankı (AİB) Azərbaycana su təchizatı sisteminin və sanitariya sahəsinin yaxşılaşdırılması üçün 180 milyon dollar verməyə hazırdır. Bu barədə çərşənbə günü AİB-in Bakı nümayəndəliyindən bildirilib. Kreditin 2011-ci ilin üçüncü rübünün sonunda bankın Direktorlar Şurasında bəyənilməsi gözlənilir.
"Bu vəsaitlərin 2009-cu ilin sentyabrında Asiya bankının Direktorlar Şurasında 600 milyon dollar məbləğində bəyənilən ikinci multitranş maliyyələşdirmə (MFF) çərçivəsində verilməsi planlaşdırılır", - bankdan deyilib.
Ölkə hökuməti ilə bu kreditlə bağlı məsləhətləşmələrin iyunda aparılacağı gözlənilir.
"Ötən həftə Bakıya AİB-in su layihələri üzrə kuratoru Vicaem Padmanabhanın başçılıq etdiyi missiyanın səfəri zamanı ölkə hökuməti ilə ilkin müzakirələr aparılıb. Hazırda bank Azərbaycan tərəfindən kredit vəsaitlərindən istifadənin istiqamətləri və hər bir rayonun su təchizatı və kanalizasiya sisteminin bərpası üçün vəsaitlərə olan tələbatı üzrə məlumat gözləyir", - bankın nümayəndəliyindən qeyd edilib.
Bugünədək Asiya bankı su təchizatı sisteminin və sanitariya xidmətləri sahəsinin yaxşılaşdırılması üzrə iki layihəni maliyyələşdirib. 30 milyon dollar məbləğində ilk kredit 2004-cü ildə Göyçay və Naxçıvanın su təchizatı sisteminin bərpasına ümumi dəyəri 39,9 milyon dollar olmaqla 30 milyon dollar ayrılırb. Nümayəndəlikdən dediklərinə görə, layihənin həyata keçirilməsi müddəti 2011-ci il iyunun 30-da başa çatır.
Beş il əvvəl təsdiq edilən layihənin bahalaşması və bu rayonlarda işlərin tam əhatə edilməsi üçün MFF-in multitranş maliyyələşdirmə vəsaitləri hesabına ilə əlaqədar bank tərəfindən 75 milyon dollar (birinci tranş), Azərbaycan hökuməti tərəfindən 25 milyon dollar ayrılıb.
İkini tranş çərçivəsində layihədə rayonların siyahısının genişləndirilməsi gözlənilir və ona Ağdaş, Ağcabədi, Beyləqan və Balakən rayonların əlavə edilməsi nəzərdə tutulur.
Naxçıvanda tikinti işləri üçün "Gəmi Qaya" şirkəti podratçı seçilib, bu rayonda layihənin icraçısı isə NMR Dövlət Meliorasiya və Su Təsərrüfatı Komitəsidir. Keçirilən uğursuz tenderdən sonra Göyçay üçün su təchizatı sistemlərinin və sanitar xidmətlərin yaxşılaşdırılması üzrə işlərin həyata keçirilməsi üçün yeni smeta hazırlanıb, həmin sənədə görə, xərclər yenidən hesablanıb. "Azərsu" ASC tərəfindən keçirilən tender çərçivəsində podratçı şirkətlər tərəfindən təklif olunan qiymətlərə görə, xərclər real qiymətləri 100 faiz üstələyib. Bununla əlaqədar qiymətlərə yenidən baxılmaq üçün yeni xərclər smetasının hazırlanması zərurəti meydana çıxıb. Bu da Asiya bankı tərəfindən cəlb olunan məsləhətçi tərəfindən həyata keçirilib.
Su təchizatı və kanalizasiya sahəsində aydın strategiya və islahatlar proqramı ilə dəstəklənən mərhələli investisiyalar nəzərə alınmaqla, multitranş maliyyələşməsi AİB və Azərbaycan hökuməti arasında səkkizillik əməkdaşlıq üçün əsas olub.
"Azərsu" SC-nin su layihəsi üzrə məsləhətçisi "AICO Consulting Ltd/European Consultans Organization" konsorsiumudur.