Azərbaycan, Bakı, 26 may /Trend, müxbir İ.Xəlilova/
Azərbaycanda nağdsız və kart biznesinin inkişafı üçün "Visa" beynəlxalq ödəniş sistemi "Visa" kartları üzrə manatla ölkələrdaxili hesablaşmaların (AZ NNSS) aparılması sistemini tətbiq edib. Sistemə hazırda Azərbaycanın 31 bankı qoşulub. Bu barədə cümə axşamı Bakıda "Visa"nın MDB ölkələri üzrə regional meneceri Aleksandr Kalita deyib.
"Bu bankların hamısı "Visa"nın üzvüdür. Bu ondan xəbər verir ki, bizim ödəniş sistemimizin istənilən kartı AZ NNSS-də iştirak edib", - Kalita qeyd edib.
Onun sözlərinə görə, AZ NNSS-in tətbiqi bankların əməliyyat xərclərini azaltmağa imkan verir.
31 bankdan [Azərbaycanda 44 bank fəaliyyət göstərir] sistemdə hesablaşmaların aparılması üçün "Visa"nın tamhüquqlu üzvü olan 11 bank birbaşa istifadə edə etmək hüququna malikdir.
"Visa" ödəniş kartları ilə milli valyutalarda ölkələrdaxili hesablaşmalar sistemini ötən əsrin 80-ci illərində işə salıb və hazırda NNSS dünyanın 26 ölkəsində işləyir.
Regional menecer milli hesablayıcı agentin Azərbaycan Mərkəzi Bankının seçilməsini üstünlük hesab edir. O, hesablaşma dövrünün sonunda sistemin iştirakçı bankları ilə hesablaşmalar aparır.
Onun sözlərinə görə, ölkədə nağd olmayan hesablaşmaların inkişafı üzrə növbəti addım "Visa" kartlarının qəbulu infrastukturunun təkmilləşdirilməsi, debet portfelinin fəallaşdırılması, yeni məhsul və xidmətlərin inkişafı, bazarın (dövlət şirkətləri, iri müəssisələr) və müştəri portfelinin seqmentləşdirilməsi (məqsədli qruplar - gənclər, tələbələr), əməkhaqqı layihələrinin təkrar mövqeləşdirilməsidir ki, onlar təkcə pulun çıxarılmasına xidmət etməsin.
"Visa"nın məlumatına görə, Azərbaycanda 2010-cu ilin sonuna dövriyyədə ümumilkdə 3,5 milyondan çox kart olub. Bunun 3,3 milyonu əməkhaqqı və digər sosial layihələr çərçivəsində buraxılıb.
"Visa" Bakıda kommersiya bankları üçün "Visa"nın ödəniş kartları. Ticarət ekvayrinqi" seminarı və Azərbaycan Mərkəzi Bankı, "Visa", banklar, kommersiya və dövlət sektoru aarsında nağdsız kart dövriyyəsinin inkişafı üzrə iki "dəyirmi masa" keçirib.