...

2011-ci ildə Azərbaycanda büdcə işçilərinin əməkhaqlarının artırılmasına 700 milyon manatın ayrılması gözlənilir

Biznes və iqtisadiyyat xəbərləri Materials 31 May 2011 20:42 (UTC +04:00)

Azərbaycan, Bakı, 31 may /Trend, müxbir A.Axundov/

İl ərzində Azərbaycanda büdcə təşkilatlarında işləyən şəxslərin əməkhaqlarının artırılacağı gözlənilir. Trend-in məlumatına görə, bu barədə Milli Məclisin Sosial siyasət komitəsinin sədri Hadi Rəcəblinin çərşənbə axşamı Yeni Azərbaycan Partiyasının rəsmi saytında yerləşdirilən müsahibəsində deyilir.

"Bu məqsəd üçün büdcəyə əlavə olunan vəsaitlərin təxminən 700 milyon manatı nəzərdə tutulur", - Rəcəbli bildirib.

Onun sözlərinə görə, ölkədə pensiyaların artması prosesi davam edir və gələcəkdə baza hissəsinin artması üçün zəmin var [hazırda pensiyanın baza hissəsi 85 manatdır].

Mayın 27-də ölkə parlamenti baza hissəsinin 3493,2 milyon manat artırılmasını nəzərdə tutan 2011-ci il dövlət büdcəsinə dəyişiklikləri bəyənib.

Azərbaycan Milli Məclisi mayın 17-də plenar iclasda mövcud "Əmək pensiyaları haqqında" qanuna əlavə və dəyişikliklər haqqında qanun layihəsini bəyənib. Qanuna dəyişikliklər Azərbaycanda pensiyanın hesablanması metodunun vahid sistemə salınmasını nəzərdə tutur. DSMF sədri Müslümovun bundan əvvəl dediyi kimi, bunun üçün 390 milyon manat lazım olacaq. Bunun 190 milyon manatı 2011-ci ilin ikinci yarısı ərzində ayrılacaq.

Bundan əvvəl Dövlət Sosial Müdafiə Fondunun (DSMF) sədri Səlim Müslümovun jurnalistlərə dediyinə görə, 1 yanvar 2010-cu il tarixinədək pensiyaya çıxan şəxslərin pensiya məbləğinin orta hesabla 40 faiz artırılmasını nəzərdə tutan "Əmək pensiyaları haqqında" qanuna dəyişikliklər iyulun 1-dən qüvvəyə minəcək.

Müslümovun sözlərinə görə, bu dəyişikliklər bütün kateqoriyalı pensiyaçılara aiddir və ilkin hesablamalara görə, orta hesabla 845 min nəfərin pensiyası artacaq.

"Dövlət Sosial Müdafiə Fondunun 2011-ci il büdcəsinə 195 milyon manat vəsait əlavə olunub və nəticədə 188 milyon manata çatıb. Bu məbləğin 850 milyon manata yaxını fonda dövlət büdcəsindən transfert olunub", - Rəcəbli qeyd edib.

Mayın 31-nə olan rəsmi məzənnə 0,7894 AZN/USD təşkil edir.

Xəbər lenti

Xəbər lenti