Azərbaycan, Bakı, 14 iyun /Trend, müxbir İ.Xəlilova/
2011-cu ilin may ayında istehlak mallarının qiymətləri və xidmət tarifləri mart ayı ilə müqayisədə 0,4 faiz azalıb, yanvar-mayda isə ötən ilin analoji dövrü ilə müqayisədə inflyasiya 8,9 faiz təşkil edib. Bu barədə çərşənbə axşamı Trend-ə Azərbaycan Dövlət Statistika Komitəsindən bildirilib.
Mayda ərzaq mallarının qiyməti 0,9 faiz ucuzlaşıb, qeyri-ərzaq mallarının qiymətləri və xidmət tarifləri isə dəyişilməz qalıb.
Ay ərzində ət məhsulları 0,7 faiz, meyvə - 0,5 faiz, kofe, çay və kakao - 0,3 faiz, spirtli içkilər - 0,1 faiz bahalaşıb, balıq məhsulları 0,8 faiz, süd məhsulalrı, pendir və yumurta - 1 faiz, tərəvəz 6,7 faiz ucuzlaşıb.
2010-cu ilin yanvar-may ayları ilə müqayisədə ərzaq malları 12,7 faiz, qeyri-ərzaq malları 2,9 faiz, xidmətlər isə 4,1 faiz bahalaşıb.
Mayda ölkənin bütün iqtisadi rayonlarında istehlak qiymətlərində nisbətən daha çox azalma Bakıda (0,7 faiz) və Abşeronda (0,6 faiz) müşahidə olunub ki, bu zaman Qarabağ və Naxçıvan iqtisadi rayonlarında inflyasiya sıfır səviyyəsində olub.
Mayda mal və xidmətlərin çıxılması ilə hesablanan mövsümi dəyişikliklərə uğrayan (meyvə və tərəvəz) istehlak qiymətlərinin bazis indeksi və dövlətin tənzimlədiyi qiymətlər ötən aylarla müqayisədə dəyişilməz qalıb, 2010-cu ilin yanvar-may ayları ilə müqayisədə isə 6,1 faiz artıb.
