Azərbaycan, Bakı, 17 iyun /Trend, müxbir E.İsmayılov/
Bu gün Rusiya Nəqliyyat Nazirliyi Azərbaycan tərəfinə Rusiya, Belarus və Qazaxıstanın Gömrük İttifaqı sərhədlərində nəqliyyat nəzarəti işinə aid yeni texnologiyalarla bağlı təkliflərini təqdim edəcək. Trend-in məlumatına görə, bu barədə cümə günü Bakıda Rusiyanın nəqliyyat naziri İqor Levitin deyib.
Onun sözlərinə görə, texnologiyalar Rusiya, Belarus və Qazaxıstandan yükdaşımalar çərçivəsində Azərbaycan-Rusiya sərhədində bütün lazımi prosedurların keçilməsini nəzərdə tutur.
Belə texnologiyalardan artıq Belarusun Avropa İttifaqı və Qazaxıstanın Mərkəzi Asiya ölkələri ilə sərhədlərində istifadə edilir.
Levitinin dediyinə görə, Belarusun Avropa ilə sərhədində yük avtomobillərinin emalında yeni texnologiya tətbiq edilərkən kiçik problemlər yaranıb. Lakin bu məsələ Azərbaycan-Rusiya sərhədində olmayacaq", - nazir bildirib.