Azərbaycan, Bakı, 2 iyul /Trend, müxbir A.Axundov/
Mayda Bakının təkrar mənzil bazarında orta qiymətlər 1,3 faiz ucuzlaşaraq bir kvadratmetri apreldəki 1013 dollara qarşı 1000 dollara düşüb. Bu barədə şənbə günü Trend-ə "Əmlak Bazarı İştirakçıları" İctimai Birliyindən məlumat verilib.
Bazarda baş verən proseslər mənzil tikintisi templərinə mənfi təsir göstərib ki, bu da yeni tikililərin reabilitasiyası və onların dövriyyəyə verilməsi üçün imkanların məhdudlaşmasına gətirib çıxarıb.
"Bu isə öz növbəsində təkrar bazara daxil olan yeni tikililərin qiymətinin azalmasına səbəb olub. Mayda təkrar mənzil bazarında təklif aprel ayı ilə müqayisədə 0,9 faiz artıb", - məlumatda deyilir.
Mayda Bakının heç bir rayonunda qiymət artımı müşahidə edilməyib, ən əhəmiyyətli azalma Sabunçu rayonunda olub", - məlumatda deyilir.
Bazarda orta qiymətdən aşağı təklif olunan təkrar mənzilin payı 56,5 faiz təşkil edib. Mayda təkrar mənzil bazarında təklif olunan orta mənzil göstəricisi 2,74, hər mənzilin orta qiyməti 43 651 dollar, mənzillər isə 111 656 dollar təşkil edib.
Təkrar bazarda qiymətlərin indeksi 2,6 bənd azalaraq 183,6 bənd təşkil edib.
Təkliflərin həcmi 0,9 faiz artıb və nəticədə bazarda təklif olunan mənzillərin sayı 6900 olub.
Təkrar mənzil bazarında alqı-satqı üzrə sövdələşmələrin bağlanması dinamikasında 1,6 faizlik azalma müşahidə olunub.
Bakının təkrar mənzil bazarında aktivlik əmsalına görə ən cəlbedici rayonlar Xətai və Yasamal rayonları olub. Ümumilkdə bu iki rayonun payına ipoteka prosesində əməliyyatların əsas hissəsi düşür.
Yasamal, Nəsimi, Nərimanov və Xətai rayonlarının bazarda təkliflər portfelində payı 79,1 faiz təşkil edib. Bu rayonların hesabına uzun müddət ərzində portfelin formalaşdırılması bazara bu rayonlarda yeni tikililərin istifadəyə verilməsi ilə əlaqədardır.
...