Azərbaycan, Bakı, 1 sentyabr /Trend/
İyul ayında Bakının ticarət obyektləri bazarında qiymətlər iyun ayına nisbətən 0,1 faiz azalıb, ticarət obyektlərinin icarə qiymətləri isə 0,2 faiz ucuzlaşıb. Bu barədə cümə axşamı Trend-ə "Əmlak Bazarı İştirakçıları" İctimai Birliyindən məlumat verilib.
İyul ayında ticarət obyektlərinin alqı-satqısı üzrə sövdələşmələrin sayı 1,1 faiz azalıb.
İyulda Bakıda qeyri-yaşayış obyektlərinin bir kvadratmetrinin orta qiyməti oktyabr ayındakı 2880 dollara nisbətdə 2884 dollara düşüb. Ötən ilin müvafiq dövrü ilə müqayisədə qiymətlər 2 faiz azalıb, əvvəlki rüblə müqayisədə isə 0,8 faiz artıb.
İyulda ticarət obyektləri bazarında təkliflər 1,7 faiz artıb. Bazar qiymətlərinin azalmasına baxmayaraq, tələbin az olması ekspozisiya müddətinin artmasına gətirib çıxarıb ki, bu da əmlakın bu növünün risk səviyyəsini yüksəldib.
Bazarda təqdim edilən ticarət obyektlərinin payı orta qiymətdən aşağı olmaqla (bir kvadratmetr üçün 2880 dollar) bazarın 51,2 faizini təşkil edib.
Bakının heç bir rayonunda qeyri-yaşayış obyektləri üçün qiymətlərin artması qeydə alınmayıb, yalnız Suraxanı rayonunda 0,5 faizlik azalma müşahidə olunub.
