Azərbaycan, Bakı, 20 sentyabr /Trend, müxbir H.Vəliyev/
Sahibkarlıq fəaliyyəti ilə məşğul olan fiziki şəxslərin onlayn qeydiyyatı sisteminin tətbiqi Azərbaycanın vergi orqanlarına qeydiyyatın müddətini 15 dəqiqəyədək azaltmağa imkan verir. Trend-in məlumatına görə, bu barədə Azərbaycanın rabitə və informasiya texnologiyaları nazirinin müavini Elmir Vəlizadə Avstriyanın nümayəndə heyəti ilə nazirlikdə keçirilən görüşdə deyib.
Vergilər Nazirliyi iyulun 1-dən sahibkarlıq fəaliyyətini hüquqi şəxs yaratmadan həyata keçirən fiziki şəxslərin onlayn qeydiyyatını həyata keçirib.
Bir müddət əvvəl Vergilər Nazirliyi yanında Kommersiya hüquqi şəxslərin dövlət qeydiyyatının təşkili və iqisadi təhlil Baş İdarəsinin rəisi Zaur Fətizadənin dediyi kimi, elektron qeydiyyatın tətbiqi qeydiyyatla bağlı vaxt itkisini iki gündən 2-3 dəqiqəyədək azaltmağa, vergi orqanlarının fəaliyyətinin effektivliyini artırmağa imkan verəcək.
İlkin qiymətləndirmələrə görə, sahibkarlıq fəaliyyəti ilə məşğul olan fiziki şəxslərin onlayn qeydiyyatının tətbiqi Azərbaycanın vergi orqanlarına hər il 1 milyon manata yaxın vəsaitə qənaət etməyə imkan verəcək.
Ehtimal olunur ki, qeydiyyatın bu növünün tətbiqi ölkədə vergi ödəyicilərinin sayının daha da artmasına kömək edəcək. Əgər 2010-cu ilin birinci yarısında 18 684 sahibkarlıq subyekti qeydiyyata alınmışdısa, cari ilin birinci yarısında onların sayı 30 809-a çatıb.
