...

Azərbaycan ekoloji təmiz inşaat materiallarının istehsalını genişləndirəcək

Biznes və iqtisadiyyat xəbərləri Materials 27 Oktyabr 2011 20:30

Trend-i buradan izləyin

Azərbaycan, Bakı, 27 oktyabr /Trend, müxbir A.Axundov/

İstehsal edilən tikinti materiallarının ekoloji təmizliyini təmin etmək bu sənayenin 2012-2015-ci illərdə Azərbaycanda inkişafının prioritetlərindən biridir. Trend-in məlumatına görə, bu barədə baxılması üçün Azərbaycan Milli Məclisinə təqdim edilən "2012-ci il və növbəti üç il ölkənin sosial iqtisadi inkişafının konsepsiya layihəsi"ndə deyilir.

2012-2015-ci illərdə tikinti materiallarının istehsalı sənayesinin inkişafının digər prioritetləri aşağıdakılardır:

- tikinti materiallarının istehsalının genişləndirilməsi;
- istehsal edilən malların beynəlxalq standartların tələblərinə uyğun vəziyyətə gətirilməsi;
- tikinti materialları istehsalı üzrə investisiyalar və müasir texnologiyaların tətbiqi;
- tikinti materiallarının ixracının stimullaşdırılması;

Dövlət Statistika Komitəsinin məlumatına görə, 2011-ci ilin yanvar-sentyabrında Azərbaycanda tikinti materiallarının istehsalı ilə məşğul olan şirkətlər 180,6 milyon manat dəyərində məhsul istehsal ediblər.

Yanvar-sentyabrda 1036,4 min ton sement, 80,2 min ton tikinti gipsi, 830,6 min ton hazır beton qarışığı istehsal edilib.

Hesabat dövründə 276,7 min ton asfalt, 25,7 min kubmetr beton tikinti konstruksiyaları, 169,4 min kubmetr tikinti kərpici istehsal edilib.

Oktyabrın 1-nə müəssisələrin anbarlarında 9,6 milyon manat dəyərində hazır tikinti məhsulları ehtiyatları yaradılıb. Bu isə ölkənin anbarlarında olan hazır məhsulların hamısının 3,4 faizini təşkil edir.

Oktyabrın 27-nə olan rəsmi məzənnə 0,7869 AZN/USD təşkil edir.

Xəbər lenti

Xəbər lenti