...

Azərbaycanda yeni həyat sığortası şirkətinin kapitallaşdırılması üzrə planlar dəyişib

Biznes və iqtisadiyyat xəbərləri Materials 28 Oktyabr 2011 17:50 (UTC +04:00)

Trend-i buradan izləyin

Azərbaycan, Bakı, 28 oktyabr /Trend, müxbirlər A.Axundov, N.İsmayılova/

"Ata Holding" şirkətlər qrupu Azərbaycanda başlanğıc kapitalı 7-8 milyon manat olan həyat sığortası üzrə yeni şirkət açmağı planlaşdırır. Halbuki əvvəllər bazara 5 milyon manat dəyərində nizamnamə kapitalı ilə çıxmaq nəzərdə tutulurdu. Trend-in məlumatına görə, bu barədə cümə günü jurnalistlərə holdinqin idarə heyətinin rəhbəri Fərid Əsədov deyib.

"Biz başlanğıcda kapitalı 5 milyon manat olan şirkət yaratmağı planlaşdırırdıq, lakin məsələyə yenidən baxılacaq və kapital 7-8 milyon manata qədər artırıla bilər", - Əsədov bildirib.

Azərbaycan Maliyyə Nazirliyinin yeni yaradılan sığorta şirkətlərinin kapitallaşması üzrə tələbləri hazırda 5 milyon manat təşkil edir.

Onun sözlərinə görə, yeni life-şirkətin təsisçisi əvvəl nəzərdə tutulduğu kimi siğorta şirkəti deyil, holdinq olacaq.

"Sənədlərdəki əskikliklər aradan qaldırıldıqdan sonra biz onu təkrarən Maliyyə Nazirliyinə təqdim etdik və şirkətin fəaliyyəti üçün lisenziyanın verilməsini gözləyirik", - Əsədov deyib.

Hazırda Azərbaycanda istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta sahəsi üzrə xidmətlərin göstərilməsi üçün lisenziyası olan üç həyat sığortası şirkəti fəaliyyət göstərir. Bunlar "Atəşgah Həyat" (3,3 milyon manat nizamnamə kapitalı ilə), "Qala Həyat" (3,5 milyon manat) və "Paşa Həyat"dır (7 milyon manat).

Dövlət Sığorta Nəzarəti Xidməti həyat sığortası üzrə yeni şirkətlərin yaradılması ilə əlaqədar sənədləri işlənib tamamlanması üçün "AzSığorta", "Alfa Sığorta, "Standard Insurance" şirkətlərinə qaytarıb. Beynəlxalq Sığorta Şirkəti və "Azərbaycan Sənaye Sığorta" SŞ-nin də analoji planları var.

Oktyabrın 28-nə olan rəsmi məzənnə 0,7869 AZN/USD təşkil edir.

Xəbər lenti

Xəbər lenti