Azərbaycan, Bakı, 5 noyabr /Trend müxbir N. İsmayılova/
2011-ci ilin üç rübünün yekunu üzrə Azərbaycanın regionlarındakı əhaliyə verilən kreditlər 1448,1 milyon manat və ya kredit portfelinin ümumi həcminin 15 faizini təşkil edib. Trend-in məlumatına görə, bu barədə şənbə günü ölkənin Mərkəzi Bankının (AMB) statistik hesabatında deyilir.
Oktyabrın 1-nə olan vəziyyətə görə, ölkə üzrə kreditləşmənin ümumi həcmi 9667,7 milyon təşkil edib. Burada kreditlər milli valyutada 6019,7 milyon manat səviyyəsində olub. Bakı üzrə bu göstərici 8219,6 manat təşkil edib. Burada milli valyutada olan kreditlərin payı 4964,1 milyon manat təşkil edib. Hesabat dövründə ölkə üzrə orta faiz tarifi 16,3 faiz olub. Bakı üzrə isə 15,8 faiz təşkil edib.
Abşeron iqtisadi rayonu üzrə kreditləşmənin həcmi 348,3 milyon manat (orta tarif üzrə 17,4 faiz), Aran iqtisadi rayonu üzrə 281,5 milyon manat (21,6 faiz), Dağlıq Şirvan iqtisadi rayonu üzrə 31,8 milyon manat (19,8 faiz), Gəncə-Qazax iqtisadi rayonu üzrə 259,8 milyon manat (21,4 faiz), Quba-Xaçmaz iqtisadi rayonu üzrə 96,9 milyon manat (21,4 faiz), Lənkəran iqtisadi rayonu üzrə 120,6 milyon manat (24,5 faiz), Şəki-Zaqatala iqtisadi rayonu üzrə 229,7 milyon manat (16,9 faiz), Dağlıq Qarabağ iqtisadi rayonu üzrə 10,2 milyon manat (19,5 faiz), Kəlbəcər-Laçın iqtisadi rayonu üzrə 2,1 milyon manat (16,9 faiz), Naxçıvan iqtisadi rayonu üzrə 67,2 milyon manat (11,6 faiz) təşkil edib.
Noyabrın 5-nə olan rəsmi məzənnə 0,7868 AZN/USD təşkil edir.