...

Azərbaycan və Macarıstan əmək və məşğulluq sahəsində fəaliyyət planı hazırlayırlar

Biznes və iqtisadiyyat xəbərləri Materials 11 Noyabr 2011 18:57 (UTC +04:00)

Azərbaycan, Bakı, 11 noyabr /Trend, müxbir A.Axundov/

Azərbaycan Macarıstan ilə birgə əmək və məşğulluq sahəsində əməkdaşlıq üzrə fəaliyyət planının hazırlanması təklifi ilə çıxış edib. Trend-in məlumatına görə, bu barədə cümə günü Azərbaycan-Macarıstan iqtisadi əməkdaşlıq üzrə hökumətlərarası komissiyasının ikinci iclasının yekunları üzrə imzalanan protokolun mətnində deyilir.

Plan bu sahədə mövcud hökumətlərarası sazişin əsasında hazırlanacaq.

Bununla yanaşı, Macarıstan Azərbaycanda xəstəxanaların tikintisi və inkişafı, eləcə də tibbi və sanitar-texniki avadanlıqlarla təminatı üzrə layihələrdə iştirak barədə təkliflə çıxış edib.

"Azərbaycan tərəfi iki ölkənin ali təhsil ocaqları arasında birbaşa əlaqələrin yaradılmasını, qarşılıqlı maraq doğuran məsələlər üzrə birgə elmi araşdırmaların aparılmasını və s. təklif edib" , - protokolun mətnində deyilir.

Macarıstan, həmçinin, iki ölkə arasında turizm sahəsində şirkətlərin və mütəxəssislərin iştirakı ilə birgə işçi qrupunun yaradılması təklifi ilə çıxış edib. Tərəflər ekoloji sənaye üzrə işçi qrupunun yaradılması haqqında razılığa gəliblər.

Azərbaycan Dövlət Statistika Komitəsinin məlumatına görə, 2011-ci ilin yanvar-avqustunda iki ölkə arasında mal dövriyyəsi 13,12 milyon dollar təşkil edib. Burada ixracın payı 13,115 milyon dollardır.

Xəbər lenti

Xəbər lenti