Azərbaycan, Bakı, 5 dekabr /Trend, müxbir N.İsmayılova/
Belçikanın iri tikinti şirkəti BESIX-in filialı Azərbaycan Vergilər Nazirliyində dövlət qeydiyyatından keçib. Trend-in məlumatına görə, bu barədə bazar ertəsi nazirliyin rəsmi saytının bir pəncərə" bölməsində məlumat verilir.
Təsisçi qismində Belçikanın N.V. BESIX S.A. şirkəti çıxış edir. Müəssisə noyabrın 17-də dövlət qeydiyyatından keçib. Şirkətin qanuni nümayəndəsi Liven van Sandedir.
Belçikanın iri tikinti qrupu olan BESIX-in əsası 1909-cu ildə qoyulub.
BESIX və onun törəmə şirkətləri tikinti sahəsinin praktiki olaraq bütün sferalarını əhatə edir və Qərbi, Mərkəzi və Şərqi Avropa, Şimali və Mərkəzi Afrika, Yaxın Şərq, Mərkəzi Asiya və Karib hövzəsində fəaliyyət göstərir.
2009-cu ildə qrupun gəlirləri 1,92 milyard avroya çatıb. Qrupun 4 qitədə, 15 ölkədə 19 min əməkdaşı çalışır.
Dekabrın 5-nə olan rəsmi məzənnə 0,7865 AZN/USD təşkil edir.
