Azərbaycan, Bakı, 20 dekabr /Trend, müxbir N.İsmayılova/
Azərbaycan Prezidenti İlham Əliyev "Azərbaycan Respublikasında 2012-ci il üçün ehtiyac meyarının həddi haqqında" qanunun tətbiqi barədə sərəncam imzalayıb.
2012-ci il üçün ehtiyac meyarının səviyyəsi 84 manat həcmində təsdiq edilib. Cari səviyyə 75 manat təşkil edir. Bu qanun 2012-ci ilin yanvarın 1-dən qüvvəyə minir.
Növbəti üç il üçün sosial-iqtisadi inkişaf konsepsiyasına əsasən, 2013-cü ildə bu göstəricinin 92 manata, 2014-cü ildə 100 manata, 2015-ci ildə isə 106 manata qədər çatdırılması gözlənilir.
Dekabrın 20-nə olan rəsmi məzənnə 0,7864 AZN/USD təşkil edir.