...

Azərbaycanda ilk sutkalıq bank filialı yaranacaq

Biznes və iqtisadiyyat xəbərləri Materials 26 Dekabr 2011 18:59 (UTC +04:00)

Trend-i buradan izləyin

Azərbaycan, Bakı, 26 dekabr /Trend, müxbir N.İsmayılova/

"Unibank" 2012-ci ildə ölkədə ilk sutkalıq filial açmağı planlaşdırır. Bu barədə bazar ertəsi Trend-ə bankdan məlumat veriblər. Bu gün Azərbaycanda yalnız bankların sutkalıq şöbələri fəaliyyət göstərir.

"Bankın ilk sutkalıq filialı şəhərin mərkəzində, piyada zonasında yerləşəcək və sutkada 24 saat ərzində bütün bank xidmətləri göstərəcək", - bankdan bildiriblər.

Bankdan verilən məlumata əsasən, hazırda tələbatın öyrənilməsi həyata keçirilir və güman edilir ki, filial "Sahil" metrostansiyasının yaxınlığında açılacaq.

"Bundan başqa, bankın planlarına 2012-ci ildə iki belə filialın açılması daxildir. Bunlardan birinin Bakıda, digərinin isə bölgədə açılması gözlənilir", - bankdan deyiblər.

"Unibank" 2002-ci il oktyabrın 15-də iki özəl kommersiya bankı - "Mbank" və "Promtekhbank"ın birləşməsi nəticəsində yaranıb. "Unibank" universal maliyyə-kredit müəssisəsidir, pərakəndə və korporativ xidmətlər təklif edir. Avropa Yenidənqurma və İnkişaf Bankı (15,1515 faiz) və DEG Almaniya İnvestisiya Korporasiyası (8,3333 faiz) kimi maliyyə institutları bankın səhmdarlarıdır.

Xəbər lenti

Xəbər lenti