Azərbaycan, Bakı, 7 yanvar / Trend müxbir N.İsmayılova/
Azərbaycan Vergilər Nazirliyində ilk kollektor agentliyi - "BOA kollektor agentliyi" Məhdud Məsuliyyətli Cəmiyyəti (MMC) dövlət qeydiyyatından keçib.
Nazirliyin rəsmi saytında verilən məlumata görə, MMC-nin təsisçiləri Rüstəm Hacıyev və İlkin Qəriblidir. Agentliyin qanuni nümayəndəsi Rüstəm Hacıyevdir. MMC 100 manatlıq kapitalla təsis olunub.
Agentlik 2011-ci il dekabrın 19-da dövlət qeydiyyatından keçib.
Həmçinin borc agentliyi kimi tanınan kollektor agentliyi vaxtı ötmüş debitor borcların və problemli borcların toplanması üzrə peşəkarcasına ixtisaslaşmış agentlikdir; məqsədi fiziki və hüquqi şəxslərin borc ödəmələrinin yerinə yetirilməsinə kömək etmək olan biznes formasıdır.
Kollektor agentliklərinin əksəriyyəti kreditor agentliyi kimi mövcud olur və fəaliyyət göstərir, qabaqcadan müəyyən edilmiş ümumi məbləğdən faizlərin ödəmələri formasında yığılmış maliyyə vasitələrinin miqdarına əsasən formalaşdırılan mükafat üçün borclar vəzifələr yığır.
Yanvarın 7-nə rəsmi məzənnə 0,7864 AZN/USD təşkil edir.
