Azərbaycan, Bakı, 10 yanvar /Trend/
Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmi 2011-ci il ərzində 63,6 faiz artaraq 10 milyard 481,5 milyon ABŞ dolları təşkil edib. Trend-in məlumatına görə, bu barədə AMB-nin çərşənbə axşamı yaydığı məlumatda deyilir.
"Ötən il ərzində valyuta ehtiyatları 4 073,9 milyard dollar artıb", - məlumatda deyilir.
2011-ci il yanvarın 1-nə AMB-nin valyuta ehtiyatları 6 407,6 milyon dollar, iyulun 1-nə isə 6 947,5 milyon dollar təşkil edib.
Mərkəzi Bank 2012-ci ildə valyuta ehtiyatlarının əhəmiyyətli dərəcədə artacağını gözləyir.