Azərbaycan, Bakı, 25 yanvar /Trend müxbir A. Axundov/
Azərbaycan Dövlət Şəhərsalma və Arxitektura Komitəsi Bakının mərkəzinin ətraflı layihəsini təsdiq edilməsi üçün Bakı Şəhər İcra Hakimiyyətinə təqdim edib. Bu barədə çərşənbə günü Trend-ə Dövlət Komitəsinin sədr müavini Dövlətxan Dövlətxanov deyib.
"Plan üzərində iş ilkin olaraq həm İcra Hakimiyyəti, həm də digər dövlət strukturları ilə razılaşdırılıb. Rəsmi işlərə əməl edilib, indi layihənin təsdiq edilməsi qalıb. Bu plan şəhərin mərkəzində fəaliyyət aparmaq üçün əsas olacaq" , - Dövlətxanov qeyd edib.
Paytaxtın ətraflı planı 2030-cu ilə qədər dövrü əhatə edir.
Dövlətxanovun sözlərinə görə, mövcud plan üfüqi xətt üzrə "Amay" ticarət mərkəzindən Dövlət Bayrağı Meydanına qədər, şaquli xətt üzrə isə Dənizkənarı Parkdan Bakıxanov küçəsinə qədər olan təxminən 1500 hektar ərazini əhatə edir.
