Azərbaycan, Bakı, 26 yanvar / Trend müxbir E.İsmayılov /
Hava şəraitinin pisləşməsinə və temperaturun aşağı düşməsinə baxmayaraq Heydər Əliyev Beynəlxalq Aeroportu normal rejimdə işləyir. Bu barədə cümə axşamı Trend-ə Bakı aeroportundan məlumat verilib.
"Hazırda təyyarələrin qəbulu və yola salınması ilə bağlı problem yoxdur", - aeroportdan bildiriblər.
Cümə axşamı "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədovun Trend-ə dediyi kimi, hava şəraiti Bakı Dəmiryol Vağzalının işinə, eləcə də dəmiryol reyslərinin həyata keçirilməsinə təsir etməyib.
"Hazırda vağzalın işində və reyslərin həyata keçirilməsində problem yoxdur", - Əzməmmədov bildirib.