...

Azərbaycanda hazır metal məhsullarının istehsalı iki dəfə artıb

Biznes və iqtisadiyyat xəbərləri Materials 18 Aprel 2012 14:42 (UTC +04:00)

Azərbaycan, Bakı, 18 aprel /Trend, müxbir H.Vəliyev/

2012-ci ilin birinci rübündə Azərbaycanın metallurgiya sənayesi və hazır metal istehsalı müəssisələri tərəfindən 107 milyon manat məbləğində məhsul istehsal edilib və xidmət göstərilib. Trend-in məlumatına görə, bu barədə çərşənbə günü Dövlət Statistika Komitəsinin yaydığı məlumatda deyilir.

Metallurgiya sənayesində istehsalın həcmi 6,5 faiz azalıb, hazır metal məhsullarının istehsal həcmi isə iki dəfə artıb.

Yanvar-mart aylarında tökmə çuqun istehsalı 208,1 ton təşkil edib ki, bu da 2011-ci ilin analoji dövr göstəricisindən 3,2 dəfə çoxdur.

Birinci rübdə 643 min ton tökmə polad, 12,2 min ton polad boru istehsal edilib.

Yanvar-fevral aylarının yekunu üzrə qara metallardan hazırlanan yarımfabrikatların ixrac həcmi 25446,5 ton (12,9 milyon dollardan artıq məbləğdə) təşkil edib ki, bu da 2011-cu ilin analoji dövr göstəricisindən 233 faiz (pulla ifadədə 188,3 faiz) çoxdur.

Yanvar-fevral aylarının yekunu üzrə qara metallardan hazırlanan boruların ixracı 7285,7 ton (6493 min dollardan çox) təşkil edib ki, bu da 2011-ci ilin analoji dövr göstəricisindən 38 faiz (pulla ifadədə 40,2 faiz) azdır.

Xəbər lenti

Xəbər lenti