Azərbaycan, Bakı, 21 aprel /Trend, müxbir A.Axundov/
Azərbaycanın "Rəvan Sığorta" şirkətinin aktivləri 2011-ci ilin yekunları üzrə 26,72 faiz artaraq ötən ilin əvvəlindəki 7,56 milyon manata nisbətdə 9,58 milyon manat təşkil edib. Bu barədə şənbə günü şirkətin rəsmi mətbuatda dərc olunmuş balans hesabatında deyilir.
Sığorta şirkətinin maliyyə hesabatlılığının auditini müstəqil auditor A.Nuriyev aparıb.
2011-ci ilin sonunda şirkətin uzunmüddətli aktivləri il ərzində 71,65 faiz azalaraq 0,7 milyon manat, qısamüddətli aktivləri isə illik 24,2 faiz artımla 8,88 milyon manat təşkil edib.
2011-ci ildə pul vəsaitlərində və onların ekvivalentlərində 8,2 milyon manat, depozit hesablarında 4,5 milyon manat yığılıb.
2011-ci ilin yekunları üzrə "Rəvan Sığorta"nın ödənilmiş nizamnamə kapitalı 2010-cu ilin sonundakı üç milyon manata nisbətdə dörd milyon manat səviyyəsində olub.
Şirkət 2011-ci ili 1,5 milyon manatlıq xalis mənfəətlə başa vurub ki, bunun bir milyon manatı nizamnamə kapitalının artırılmasına yönəldilib.
Ötən ilin sonunda şirkətin məcmu kapitalı 2010-cu illə müqayisədə 41,33 faiz artaraq 5,71 milyon manat təşkil edib.
Şirkətin nizamnamə öhdəlikləri 9,94 faiz artaraq 3,87 milyon manat, ümumilikdə kapital və öhdəliklər isə 26,72 faiz artımla 9,58 milyon manat təşkil edib.
Ötən ilin yekunları üzrə şirkətin gəlirləri 3,14 milyon manat, xərcləri isə 1,62 milyon manat olub.
