...

Təklifin daralması Bakının daşınmaz əmlak bazarında qiymət artımına səbəb olub - Mərkəzi Bank

Biznes və iqtisadiyyat xəbərləri Materials 4 May 2012 20:05 (UTC +04:00)

Trend-i buradan izləyin

Azərbaycan, Bakı, 4 may /Trend, müxbir A.Axundov/

2012-ci ilin birinci rübündə Bakının daşınmaz əmlak bazarının əsas seqmentləri üzrə aşağı fəallıq müşahidə edilib. Trend-in məlumatın görə, bu barədə cümə günü Azərbaycan Mərkəzi Bankının 2012-ci ilin birinci rübün yekunlarına həsr edilmiş pul siyasəti hesabatında deyilir.

"2012-ci ilin birinci rübü ərzində təkrar mənzil bazarında qiymətlər 3,8 faiz, ilkin bazarda isə 2 faiz artıb. Qiymət artımının əsas səbəbi daşınmaz əmlak bazarında təklifin daralmasıdır", - hesabatda deyilir.

Təkrar mənzil bazarında mənzilin bir kvadratmetrinin qiyməti 2008-ci ilin səviyyəsi ilə müqayisədə 21,9 faiz, ilkin bazarda isə 24,6 faiz azalıb.

"Birinci rübdə yaşayış obyektlərinə görə kirayə haqqı 0,3 faiz azalıb, kommersiya obyektlərinə görə icarə haqqı isə 2,6 faiz artıb", - hesabatda qeyd edilir.

İpoteka kreditləşməsinin davam etməsi daşınmaz əmlak bazarında, xüsusilə təkrar bazarda fəallığı artırıb.

"2012-ci ilin 3 ayı ərzində banklar tərəfindən verilən ipoteka kreditlərin həcmi 14,5 milyon manat təşkil edib", - hesabatda deyilir.

Xəbər lenti

Xəbər lenti