Azərbaycan, Bakı, 7 sentyabr /Trend, müxbir Ə.Həsənov /
Sentyabrın 7-dən 8-dək Bakı Metropoliteninin "Xətai" stansiyası ətrafına və "Qara şəhər"ə içməli suyun verilməsində fasilələr olacaq. Trend-in məlumatına görə, bu barədə "Azərsu" ASC-nin cümə günü yaydığı məlumatda deyilir.
"Suyun verilməsində fasilələr supaylayıcı şəbəkədə yeni magistral su kəmərinin çəkilişi və Bakının Xətai rayonunda siyirtmələrin quraşdırılması ilə əlaqədardır", - məlumatda deyilir.
Yaranmış narahatlıqla əlaqədar "Azərsu" ASC abonentlərdən üzr istəyir.