Azərbaycan, Bakı, 11 sentyabr /Trend, müxbir Ə.Həsənov/
İslam İnkişaf Bankının (İİB) Azərbaycanın sosial və iqtisadi inkişafına töhfəsini qiymətləndirmək məqsədilə sentyabrın 17-26-da ölkəyə İİB-in layihələrin səmərəliliyinin qiymətləndirilməsi üzrə ikinci missiyanın səfəri başlaycaq. Bu barədə çərşənbə axşamı Trend-ə bankın Bakı ofisindən bildiriblər.
"Birinci qiymətləndirmə missiyasından fərqli olaraq, ikinci missiya çərçivəsində bankın ekspertləri yerlərdə reallaşdırılması artıq başa çatan və ya davam edən layihələrlə tanış olacaqlar", - İİB-in ofisindən qeyd ediblər.
Bankın missiyasına İİB-in qabaqcıl mütəxəssisi Əbdül Həmid Bəşir başçılıq edir. Sentyabrın üçüncü ongünlüyündə qiymətlndirmə missiyasına bankın departament rəhbəri Məhəmməd Sidiya da qoşulacaq.
Missiyanın yekunu olaraq müvafiq hesabat hazırlanacaq.
