Azərbaycan, Bakı, 18 sentyabr /Trend, müxbir E.İsmayılov/
Azərbaycan Respublikası Dövlət Neft Fondu (ARDNF) Nazirlər Kabinetinə Fondun ölkəyə ixdal etdiyi fiziki qızılın gömrük yığımlarından azad edilməsi haqqında təkliflə müraciət edib. Trend-in məlumatına görə, bu barədə çərşənbə axşamı jurnalistlərə ARDNF-nin icraçı direktoru Şahmar Mövsümov bildirib.
"Bu günədək Fond 10 ton qızıl alıb. Qızıllar Böyük Britaniyanın banklarında saxlanılır", - Mövsümov qeyd edib.
Onun sözlərinə görə, hazırda ölkədə qızılın saxlanılması məsələsi barədə Azərbaycan Mərkəzi Bankı ilə danışıqlar aparılır.