Azərbaycan, Bakı, 18 sentyabr /Trend, müxbir E.İsmayılov/
"Azərbaycan Hava Yolları" QSC-nin həyata keçirdiyi J2 038 Roma-Bakı aviareysinin gəlişi yubanır. Bu barədə çərşənbə axşamı Trend-ə Heydər Əliyev Beynəlxalq Hava Limanından məlumat veriblər.
Aeroportdan deyiblər ki, təyyarə paytaxta yerli vaxtla saat 18:30-da gəlməli idi, lakin hava gəmisində yaranmış problem səbəbindən yubanır.
"Təyyarənin Bakıya dəqiq nə vaxt gələcəyi məlum deyil", - aeroportdan bildiriblər.
Hava limanından təyyarədəki problemlərin təfərrüatı barədə məlumat verməyiblər.