Azərbaycan, Bakı, 9 oktyabr /Trend, müxbir A.Axundov/
Azərbaycanın bank sektorunun aktivlərinin ümumi həcminin artımı 2013-cü ildə 15-20 faiz səviyyəsində olacaq. Bu barədə çərşənbə axşamı Trend-ə Azərbaycan Mərkəzi Bankının (AMB) baş direktoru Rəşad Orucov deyib.
"Biz hesab edirik ki, 15-20 faiz səviyyəsində orta, sağlam, sabit artım lazımdır. Banklarımız car ildə də bu çərçivədədir, düşünürəm ki, gələn il də belə olacaq", - Orucov vurğulayıb.
Onun sözlərinə görə, 9 ay ərzində ölkənin bank sektoru 11 faiz artıb.
"Hesab edirik ki, bu, sağlam və möhkəm artımdır", - Orucov bildirib.