Azərbaycan, Bakı, 19 noyabr /Trend, müxbir A.Axundov/
Azərbaycanın "Joint Leasing" şirkəti bu gün 36 milyon manat səviyyədə olan portfelində bu ilin sonuna kiçik artımın edilməsini proqnozlaşdırır. Bu barədə bazar ertəsi Trend-ə şirkətin baş direktoru Elçin Əhmədov məlumat verib.
"Növbəti ilə hədəf, həmçinin bazarda liderlik mövqeyinin saxlanması, portfelin sonrakı inkişafı və onun keyfiyyətinin saxlanılmasıdır. Mövcud biznesin istiqamətlərini genişləndirəcəyik, bugünkü ritmdə portfelin diversifikasiyasına riayət edəcəyik, eyni zamanda, istehsal sektorunda daha böyük layihələrin maliyyələşdirilməsi və s.mümkündür", - Əhmədov deyib.
Onun sözlərinə görə, bu gün şirkətin qüvvədə olan müqavilələrinin sayı 200-ü ötür, ümumilikdə 520-dən artıq müqavilə maliyyələşdirilib.
"Hələ ki biz bütün mümkün sektorları (nəqliyyat, sənaye, tikinti və s.) əhatə edirik. Növbəti ildə də bütün istiqamətlərin maliyyələşdirilməsinin həyata keçirilməsinə cəhd edəcəyik", - Əhmədov deyib.
Noyabrın əvvəlində şirkət lizinq faizi 35 faizdən çox ilkin ödəmə ilə 17 faiz və daha yuxarı təşkil edən faiz dərəcələrinə dəyişikliklər edib", - Əhmədov bildirib.
"Bu gün bu təklif bazar üçün kifayət qədər cəzbedicidir. Düşünürəm ki, bu, həm, hüquqi, həm də fiziki şəxslərə maraqlı olacaq. Hazırda orta faiz dərəcəsi 18-20 faiz təşkil edir. Hələ ki növbəti ilin konkret tendensiyalarının adını çəkmək çətindir, çünki maliyyə bazarlarında vəziyyət dəyişir. Amma əgər ilin sonunda biz faizlərin azalmasını təklif ediriksə, onda növbəti ildə biz həmin siyasətə tərəfdar olmağa çalışacağıq", - Əhmədov qeyd edib.
"Joint Leasing Company" ASC əvvəlcə 2007-ci il iyunun 14-də "Azerilizing" şirkətinin hüquqi varisi kimi fəaliyyətə başlayıb. Şirkətin təsisiçiləri Britaniyanın "DH Leasing LTD" (52,4 faiz) və Azərbaycan Beynəlxalq Bankıdır (47,6 faiz). Şirkətin nizamnamə kapitalı 700 min manat təşkil edir.
