Azərbaycan, Bakı, 6 dekabr /Trend, müxbir A.Axundov
Avropa Yenidənqurma və İnkişaf Bankının (AYİB) Azərbaycanda nəqliyyat layihəsi çərçivəsində 250 milyon dollar həcmində ikinci tranşının 2013-cü ildə təsdiq edilməsi mümkündür. Trend-in məlumatına görə, bu barədə cümə axşamı jurnalistlərə AYİB-in Azərbaycandakı nümayəndəliyinin rəhbəri Nil Makkeyn deyib.
"Hər şey birinci tranşın nəticələrindən asılıdır. Əgər nəticələr yaxşı olarsa, biz ikinci tranşın təsdiq edilməsi üçün Direktorlar Şurasına müraciət edəcəyik" , - Makkeyn qeyd edib.
Onun sözlərinə görə, layihə çərçivəsində işlər qrafikə uyğun gedir.