Azərbaycan, Bakı, 7 yanvar /Trend, müxbirlər A. Bədəlova, F.Mehdi/
İranda 2012-ci il martın 20-dən başlayan cari təqvimin ilk 10 ayında ölkə 58 milyon dollar dəyərində mobil telefon idxal edib ki, bu da ötən ilin müvafiq dövründən 103 faiz çoxdur. Bu barədə Trend bazar ertəsi ILNA-ya istinadən məlumat verir.
İranın qeyd edilən dövrdə idxal etdiyi mobil telefonlar ölkənin ümumi idxalının 0,3 faizini təşkil edib.
İranın Audio və Vizual Məhsullar Birliyinin rəhbəri İbrahim Dorostinin sözlərinə görə, yüksək gömrük rüsumları və dolların artması ilə əlaqədar ölkəyə mobil telefonların qanunsuz idxalı halları artır.
Onun sözlərinə görə, İranda mobil telefonların istehsalı aşağı səviyyədədir. Buna səbəb müasir texnologiyaların çatışmazlığıdır.
