Azərbaycan, Bakı, 15 yanvar /Trend, müxbir İ.Xəlilova/
Nazirlər Kabineti ölkə hökuməti ilə BMT-nin İnkişaf Proqramı arasında (UNDP) "Birləşmiş Millətlər Təşkilatının "Bioloji müxtəliflik haqqında" Konvensiyasının 2011-2020-ci illər üzrə Strateji Planının Azərbaycanda həyata keçirilməsinə dəstək məqsədi ilə Bioloji müxtəlifliyin milli planlaşdırılması" layihəsinin imzalanması səlahiyyətini verib.
Sərəncamın mətnində deyilir ki, Azərbaycan hökuməti adından imzalamaq səlahiyyəti ekologiya və təbii sərvətlər naziri Hüseynqulu Bağırova verilib.
Xarici İşlər Nazirliyinə tapşırılıb ki, sənədi hökumət adından imzalamaq səlahiyyətinin verilməsi barədə UNDP-yə müvafiq bildiriş göndərsin.