Azərbaycan, Bakı, 1 mart /müxbir. Trend E.İsmayılov/
Masallı rayon İcra Hakimiyyəti 6 avtomobil yolunun təmiri olunması ilə bağlı tender elan edib. Bu barədə Trend cümə günü "Xalq Qəzeti"nə istinadən məlumat yayıb.
Tender 6 lot üzrə elan edilib. Tenderdə bu yolların təmiri nəzərdə tutulub: Həsənli-Xırmandalı, Kürdəbazlı-Qarğalıq, Musaküçə - Lürən, Seybətin-Səmidxanlı, Qəriblər-Qodman və Sərçuvar-Sirəbil.
Hər lota üçün tenderdə iştirak haqqı 50 manat təşkil edir.
Tenderdə iştirak etmək istəyənlər ərizə və digər sənədləri 15 aprel 2013-cü il saat 18:00-dək təqdim etməlidirlər. Tender təklifləri və bank zəmanəti 25 aprel saat 17:00-dək təqdim edilə bilər. Tender təkliflərinin açılışı 26 aprel saat 15:00-da olacaq.
Tenderlə bağlı əlavə məlumatı əldə etmək üçün aşağıdakı ünvana müraciət etmək olar:
Masallı şəhəri, Qaradağ 20 küç.
Tel.: (+994 025) 5 31 76
Əlaqələndirici şəxs: Şahin Əbilov
