Azərbaycan, Bakı, 11 mart, / Trend, müxbir E. İsmayılov/
2013-cü ilin fevralında Azərbaycanda nəqliyyat sektorunda yükdaşıma tarifləri yanvar ayına nisbətən 1,0 faiz artıb. Trend-in məlumatına görə, bu barədə bazar ertəsi Dövlət Statistika Komitəsinin saytında məlumat yayılıb.
Komitəsinin məlumatına görə, sərnişindaşıma tarifləri isə fevralda 1,2 faiz ucuzlaşıb.
2013-cü ilin fevralında dəmir yolu nəqliyyatında 10 ton yükün 1 km məsafəyə daşınmasının orta tarifi idxal üzrə 0,5 faiz ucuzlaşıb. Ölkə daxilində tranzit üzrə 1,8 faiz, yerli əlaqə üzrə 11,7 faiz, ixrac üzrə isə 33,3 faiz bahalaşıb. Ay ərzində MDB ölkələrinə sərnişindaşıma tarifləri 5,8 faiz ucuzlaşıb.
Fevral ayı ərzində boru kəməri vasitəsilə neftin nəqlolunma tarifiyanvar ayına nisbətdə 1,1 faiz bahalaşıb.
Fevral ayında hava nəqliyyatında MDB ölkələrinə yükdaşıma və sərnişindaşıma tarifləri ötən aya nisbətdə müvafiq olaraq 1,3 və 2,3 faiz, digər xarici ölkələrə sərnişindaşıma tarifləri isə 9,3 faiz ucuzlaşıb.
