Azərbaycan, Bakı, 18 mart /Trend, müxbir E.İsmayılov/
2013-cü ilin yanvar ayında Azərbaycana 452 yük avtomobili idxal olunub ki, bu da ötən ilin analoji dövr göstəricisindən 22,2 faiz azdır. Bu barədə Trend-ə Dövlət Statistika Komitəsindən məlumat verilib.
İdxal olunan yük avtomobillərinin dəyəri 5,43 milyon dollar təşkil edib ki, bu da ötən ilin müvafiq dövr göstəricisindən 67,4 faiz azdır.
Ümümilikdə ötən il Azərbaycana 9432 ədəd yük avtomobili idxal olunub ki, bu da 2011-ci ilin göstəricisindən 52,7 faiz çoxdur. İdxal olunan yük avtomobillərinin ümumi dəyəri 213,4 milyon dollardan artıq olub. Bu, 2011-ci ilin müvafiq göstəricisindən 45,6 faiz çoxdur.
Həmçinin, 2013-cü ilin yanvar ayında Azərbaycana 94 avtobus idxal olunub ki, bu da ötən ilin yanvar ayına olan göstəricidən 44,6 faiz çoxdur. İdxal olunan avtobusların ümumi dəyəri 4,2 milyon ABŞ dolları təşkil edibki, bu da ötən ilin anoloji dövr göstəricisindən 16,6 faiz çoxdur.
Ümümilikdə ötən il Azərbaycana 1038 ədəd avtobus gətirilib ki, bu da 2011-ci ildə qeydə alınan göstəricidən 58,5 faiz çoxdur. İdxal olunan avtobusların ümumi dəyəri 49,88 milyon dollardan artıq olub. Bu, 2011-ci ilin müvafiq göstəricisindən 88,1 faiz çoxdur.
