Azərbaycan, Bakı, 17 may /Trend, müxbir A.Axndov/
Azərbaycan və Avropa Komissiyası videokonfranslar çərçivəsində assosiativ saziş üzrə danışıqlar prosesini davam etdirirlər. Bu barədə cümə günü Trend-ə xarici işlər nazirinin müavini Mahmud Məmmədquliyev deyib.
Danışıqlar çərçivəsində sonuncu plenar iclas bu ilin aprel ayında keçirilib.
Məmmədquliyev qeyd edib ki, müəyyən irəliləyişlər var, bəzi məsələlər üzrə isə razılıq əldə olunub: "Hələlik bir çox məsələlər müzakirə olunmalıdır, buna görə də hazırda növbəti plenar iclasın keçirilməsinin konkret tarixi məlum deyil. Lakin biz videokonfranslar vasitəsilə işləməyə davam edirik. Plenar iclasın vaxtı gələb çatarsa, onu da keçirərik".