Azərbaycan, Bakı, 21 may /Trend/
İcbari Sığorta Bürosu 10-cu kompensasiya ödənişini həyata keçirib.
Bürodan Trend-ə verilən məlumat görə, İcbari Sığorta Bürosu tərəfindən Azərbaycan Respublikasının vətəndaşına ailə üzvünün mayın 17-də Bakı şəhəri, Z.Bünyadov prospektində baş vermiş yol-nəqliyyat hadisəsi nəticəsində həlak olması ilə əlaqədar 5 min manat məbləğində kompensasiya ödənişi verilib.
Ödəniş "İcbari sığortalar haqqında" qanunun 32.1.3, 33-cü maddələrinə əsasən verilib.
Kompensasiya ödənişi mayın 17-də qeyri-nağd üsulla (poçt vasitəsilə) həyata keçirilib.
Büronun bu vaxtadək verdiyi ödənişlərin ümumi həcmi 26,69 min manat təşkil edir.
