...

"PaşaBank" ABŞ bankından vəsait cəlb etmək niyyətindədir

Biznes və iqtisadiyyat xəbərləri Materials 16 İyul 2013 20:14 (UTC +04:00)

Trend-i buradan izləyin

Azərbaycan, Bakı, 16 iyul /Trend, müxbir A.Axundov/

"PaşaBank" Azərbaycanda ABŞ şirkətlərinin layihələrini maliyyələşdirmək üçün bu ölkənin İxrac-İdxal Bankı ("Eksimbank") ilə əməkdaşlıq etmək niyyətindədir. Trend-in məlumatına görə, bu barədə jurnalistlərə "PaşaBank"ın İdarə Heyətinin sədri Fərid Axundov bildirib.

Axundov deyib: "Azərbaycanda ABŞ layihələrinin maliyyələşdirilməsi bizim üçün strateji maraq kəsb edir. Biz daha çox ABŞ şirkətinə xidmət etmək istəyirik. İndiyədək "Eksimbank"la əməkdaşlıq etməmişik, lakin hazırda bankla danışıqlar aparırıq. Güman edirəm ki, yaxın vaxtlarda birgə işə başlayacağıq".

Onun sözlərinə görə, bu layihələr neft və qeyri-neft sektorlarında həyata keçirilir, xüsusilə, kənd təsərrüfatı sahəsində maraqlı layihələr mövcuddur.

Axundov qeyd edib: "Bununla yanaşı, Niderlandi, Almaniya, İsveçrə, Fransa şirkətləri ilə işləyirik. Müştərilərimiz üçün xarici şirkətlərin texnologiyalarından istifadə etmək çox vacibdir və biz bu məsələlərdə onları tam dəstəkləyirik".

Məqalədə:
Xəbər lenti

Xəbər lenti