Azərbaycan, Bakı, 10 sentyabr /Trend, müxbir E.İsmayılov/
Bakı Metropoliteninin "yaşıl xətti"nin "Xətai-Həzi Aslanov-2" sahəsinin 3 yeni stansiyasının 2016-cı ildə istismara verilməsi planlaşdırılır. Bu barədə Trend-ə çərşənbə axşamı Bakl Metropolitenindəki mənbə bildirib.
Mənbənin sözlərinə görə, yeni sahənin tikintisi üzrə işlər artıq başlayıb və işlərin aktiv aparılacağı təqdirdə, stansiyalar nəzərdə tutulmuş müddətdə istismara veriləcək.
O bildirib ki, "yaşıl xətt"in bu sahəsi Bakı Ağ Şəhər layihəsinin həyata keçirildiyi ərazidən keçəcək: "Bu da paytaxtın həmin hissəsindən sərnişinlərin daşınmasını təmin etməyə imkan verəcək".
