Azərbaycan, Bakı, 27 sentyabr /Trend, müxbir E. Əliyev/
Cari ilin yanvar-avqust aylarında Gürcüstandan Azərbaycana 271,07 milyon dəyərində 29,25 min minik avtomobili idxal olunub. Trend-in məlumatına görə, bu barədə Gürcüstan Milli Statistika İdarəsinin saytında dərc olunan hesabatda bildirilir.
Hesabatda göstərilir ki, bu sahənin xüsusi çəkisi Gürcüstandan Azərbaycana edilən ümumi ixracın həcminin 57,92 faizini təşkil edib.
Ötən ilin analoji dövrü ilə müqayisədə Gürcüstandan idxal olunan minik avtomobillərinin idxalı 24,46; say nisbətində isə 28,42 faiz və ya 6,47 min ədəd artıb. Müqayisə üçün: 2012-ci ilin yanvar-avqust aylarında Gürcüstandan Azərbaycana 217,79 milyon dollar həcmində 22,78 min avtomobil idxal edilib.
2013-ci ilin səkkiz ayı ərzində Gürcüstandan Azərbaycana 16,55 milyon dəyərində 2,5 min yük avtomobili idxal edilib ki, bu da ötən ilin analoji dövründə qeydə alınan göstəricidən 19,1 faiz aşağıdır (say nisbətində isə 21,39 faiz yuxarıdır). Müqayisə üçün: 2012-ci ilin yanvar-avqust aylarında Gürcüstandan Azərbaycana 20,46 milyon dəyərində 2,06 min yük maşını idxal edilib.
.