Azərbaycan, Bakı, 20 fevral /Trend, müxbir S.Ağayeva/
Azərbaycan-Polşa iqtisadi əməkdaşlıq üzrə hökumətlərarası komissiyasının VI iclasının tarixi açıqlanıb. Bunu cümə axşamı Trend-ə Polşanın Azərbaycandakı səfirliyindən deyiblər.
Səfirlikdən bildiriblər ki, iclas aprelin 13-15-də Bakıda keçiriləcək.
Diplomatik missiyadan verilən məlumata görə, iclas çərçivəsində, həmçinin iki ölkənin sahibkarlarının iştirakı ilə biznes forumun keçirilməsi planlaşdırılır.
Qeyd edək ki, Dövlət Statistika Komitəsinin məlumatına görə, 2013-cü ilin yanvar-sentyabr aylarında iki ölkə arasında əmtəə dövriyyəsi 35,8 milyon dollar olub.