Azərbaycan, Bakı, 10 mart /Trend/
Makedoniya hökuməti nəqliyyat, tikinti və turizm sahələrində 7 irimiqyaslı layihəyə başlayıb və həmin layihələr üzrə tenderlər elan edib. Trend-in məlumatına görə, bu barədə bazar ertəsi Azərbaycanda İxracın və İnvestisiyaların Təşviqi Fondunun (AZPROMO) yaydığı xəbərdə deyilir.
Həmin layihələr aşağıdakılardır:
- Tramvay sisteminin yaradılması və idarəolunması (Skopye şəhəri).
- Qaz infrastrukturunun planlaşdırılması, dizaynı, tikintisi və texniki dəstəyi (əvvəl Skopye şəhərində, daha sonra isə digər regionlarda).
- Makedoniyada qaz infrastruktur layihə üzrə müqavilənin imzalanmasından əvvəl Makedoniya hökuməti üçün hüquqi konsaltinq xidmətinin göstərilməsi.
- İki göl və dağ olan bölgədə yerləşən çox çoxməqsədli və ilboyu fəaliyyət göstərən turist kurortunun tikintisi və idarə olunması. Göllərdən biri UNESCO-nun mühafizəsi altındadır və alman alimlər tərəfindən 3 milyonnan çox yaşı olduğu təstiqlənib.
- Ov parklarının və ov bölgələrinni konsensiyası.
- Makedoniyadakı müxtəlif çaylar üzərində kiçik su elektrik stansiyalarının tikintisi və idarə olunması.
- Yeni dramatik teatr kompleksinin tikintisi (Skopya şəhəri).
Sözügedən layihələrdə iştirak etməkdə maraqlı olan şirkətlər AZPROMO-ya müraciət edə bilərlər.
