Azərbaycan, Bakı, 25 aprel /Trend, müxbir E.Əliyev/
Bu ilin birinci rübündə Azərbaycan Mərkəzi Bankının keçirdiyi valyuta intervensiyalarının həcmi 536 milyon dollar olub. Trend-in məlumatına görə, bu barədə cümə günü jurnalistlərə AMB sədrinin müavini Xaqani Abdullayev bildirib.
O deyib: "Bu, normal səviyyədir. Nəzərə almaq lazımdır ki, bizdə cari əməliyyat hesabında kifayət qədər - ötən il təxminən 12 milyard dollar profisit var və biz ümid edirik ki, bu, cari ilin sonunadək eyni səviyyədə qalacaq, çünki ixrac həcmləri kifayət qədər böyükdür".
Onun sözlərinə görə, ölkənin valyuta bazarında təklif tələbi üstələməkdə davam edir: "Proqnozlarımıza görə, 2014-cü ilin yekunları üzrə valyuta intervensiyasının həcmi təqribən 1,5-2 milyard dollar təşkil edəcək".
