Gürcüstan, Tbilisi, 7 may /Trend, müxbir N.Kirsxaliya/
Gürcüstanın iqtisadiyyat və davamlı inkişaf naziri Georgi Kvirikaşvili Türkiyənin nəqliyyat və rabitə naziri Lütfi Əlvan ilə görüşüb.
Trend-in məlumatına görə, Kvirikaşvili görüşdən sonra bildirib ki, Türkiyə tərəfi Mleta-Kobi tunelinin tikintisinə marağını ifadə edərək yeni təşəbbüslərlə çıxış edib.
Gürcü nazir deyib: "Bundan əlavə, yolkənarı infrastrukturun tikintisi kimi layihələr var. Eləcə də dənizdə əməkdaşlığın spektri böyükdür".
Onun sözlərinə görə, Əlvanla görüşdə yerüstü nəqliyyat məsələlərinə və onlarla bağlı problemlər də nəzərdən keçirilib.