Bakı. Trend:
Beynəlxalq Valyuta Fondunun (BVF) nümayəndə heyəti İqtisadiyyat Nazirliyində olub.
Nazirliyin mətbuat xidmətindən Trend-ə verilən məlumata görə, iqtisadiyyat naziri Şahin Mustafayev Beynəlxalq Valyuta Fondunun Azərbaycanda səfərdə olan nümayəndə heyəti ilə görüşüb.
Görüşdə Azərbaycan və BVF arasında əlaqələr və əməkdaşlığın genişləndirilməsi, dünya enerji bazarındakı qeyri-sabitlik və neqativ tendensiyaların Azərbaycan iqtisadiyyatına mümkün təsirləri, hökumətin bu mənfi təsirlərin minimuma endirilməsi tədbirləri və ölkənin iqtisadi siyasətindəki prioritetlərə dair müzakirələr aparılıb.