Bakı. Orxan Quluzadə - Trend:
Türkiyə şirkətləri Azərbaycanda özəlləşdirmədə iştirak etməkdə maraqlıdırlar. Trend-in məlumatına görə, bunu Türkiyə-Azərbaycan Xarici İqtisadi Əlaqələr Təşkilatının biznes şurasının sədri Səlçuk Akat Bakıda jurnalistlərə deyib.
Onun sözlərinə görə, Türkiyə şirkətləri həmçinin Azərbaycanda investisiyaların artmasında maraqlıdırlar.
S.Akat qeyd edib ki, Türkiyə-Azərbaycan biznes şurasının fəaliyyəti Bakı və Ankara arasında iqtisadi sahədə münasibətlərin möhkəmləndirilməsi məqsədi daşıyır.
Onun sözlərinə görə, biznes şura Azərbaycanda Türkiyə şirkətlərinin və Türkiyədə Azərbaycan şirkətlərinin işini dəstəkləyir.