Bakı. Azad Həsənli, İlkin Şəfiyev - Trend:
Avropa Yenidənqurma və İnkişaf Bankı (AYİB) dövlətə məxsus Azərbaycan Beynəlxalq Bankının səhmlərinin alınmasına maraq göstərir.
Trend-in məlumatına görə, bunu Azərbaycanın maliyyə naziri Samir Şərifov deyib.
Nazir bildirib ki, razılaşmanın baş tutması üçün ilk məsləhətçi cəlb olunmalı və biznes strategiyası hazırlanmalıdır:
“Hələlik bu istiqamətdə işlər davam edir. Biznes strategiyası çox vacibdir, çünki investorlar məhz onun əsasında qərar qəbul edirlər. Qeyd edim ki, Beynəlxalq Bankın səhmlərinə AYİB maraq göstərir, amma ilk növbədə bankın yeni biznes modeli tərtib olunmalıdır”.