...

HESABLAMA PALATASI SƏHİYYƏ NAZİRLİYİNDƏ AUDİT APARACAQ

Biznes və iqtisadiyyat xəbərləri Materials 29 İyun 2005 12:18

Trend-i buradan izləyin

Hesablama Palatası (HP) Səhiyyə Nazirliyində (SN) audit keçirəcəkdir. Bununla bağlı qərar HP-nin bu gün keçirilən kollegiya iclasında qəbul olunub. Palatadan Trend xəbər agentliyinə verilən məlumata görə, auditin keçirilməsində əsas məqsəd 2004-cü ildə SN-də investisiya xərclərinə ayrılan vəsaitlərin proqnozlaşdırılması və icrasının düzgünlüyünün müəyyənləşdirilməsi, sözügedən məqsəd üçün ayrılan vəsaitin təyinatı üzrə və səmərəli istifadə olunub-olunmadığını müəyyən etməkdir.

Kollegiya iclasında həmçinin Lənkəran, Masallı, Lerik, Astara və Yardımlı rayonlarında da audit aparılması barədə qərar qəbul edilib. Bu rayonlarda yoxlamalar isə ötən il dövlət büdcəsindən sözügedən rayonların mədəniyyət, incəsənət, kütləvi informasiya, bədən tərbiyəsi və din sahələrinə ayrılan vəsaitlərin təyinatı üzrə xərclənib-xərclənmədiyini əhatə edəcəkdir.

Xəbər lenti

Xəbər lenti